Mapithel tuikhuah duh lo

Mapithel Dam Affected Villagers Organization (MDAVO), Centre for Research and Advocacy, Manipur (CRAM) leh Human Rights Ini-tiative (HRI) te chuan Thawh-
ṭanni khan Ukhrul district-a Chadong khuaah 'International Rivers Day' C an hmang.

He hunah hian thupui atan, '“Protection of River, Agriculture Land and Natural Resources of Manipur” tih an hmang. Pawl hrang rang te chuan Mapithel tuikhuah chuan ram zau tak a chim bakah chenna hmun te pawh a chim tih an sawi. Hei hian nasa takin harsatna a thlen niin an sawi bawk.

Kum 2015 January thla aṭang khan he tui khuah hian lo neihna hmun leh thlai chinna hmun te chu a chim ṭan a, a bul vela ramngaw zau tak chu a chim mek bakah, he lai bial hnaia chenna hmun engemaw zat chu a chim chhe tawh tih an sawi. Hetiang a nih lai mek hian sorkar chuan harsatna tawkte hi chhawmdawlna a pek loh bakah, chenna tur hmun a ruahman sak lo niin an sawi.

CRAM secretary Jiten Yum-nam chuan, Mapithel tui-khuah bakah hian an state chhunga tuikhuah engmaw zat chuan mipuite tan harsatna a thlen tih a sawi. Heng tuikhuah te hian nungcha leh thing leh mau mai bakah cultural leh natural heritage thenkhat chu a tichhia niin a sawi bawk. Pawl hrang hrang te hian “Protection of Barak River” tih thupui hmangin Pabram, Tamenglong district-ah mipuite tan nimin khan hun an buatsaih a, vawiinah neih chhunzawm a ni ang.