Rualbanlo ten vote thlak dawn

Assam state election lo awm turah rualbanlo ten mipui aiawh roreltu an thlan ve ngei theih tur thu Morigaon district Deputy Commissioner leh District Election Officer ni bawk Rakesh Kumar chuan Thawhṭanni khan a sawi.

District Election Offi-cer chuan 79 Jagiroad, 80 Morigaon leh 81 Laha-righat-a vote thlakna tur hmunah te chuan rualbanlo ten vote an thlak theina turin an kalna tur bik kawng Ramp siam a nih tawh thu leh rualbanlo te tan hian wheel-chair hman tur pawh ruahman a nih thu a tarlang.

Rakesh Kumar chuan, Social Welfare Department chu Morigaon district-a rualbanlo awm te hming zawng chhuak vek turin hriattir an nih tawh thu a sawi. Hemi chungchang-ah hian Thawhṭanni khan DC’s Office-ah meeting pawimawh tak an nei a ni. DC chuan inthlan hmasa khan vote tla chu za-a 84.5 a nih thu a sawi a, kumin inthlan lo awm turah inthlan hmasa aia vote a tlak ṭhat theih nan hmalakna kalpui mek a ni, a ti bawk.