Rajya Sabha member tur KG Kenye

Nagaland state aiawha Rajya Sabha member thlanna neih turah, Naga People’s Front (NPF) candi-date KG Kenye chu chuhtu awmloin tlingah puan a ni.

Returning officer N Benjamin Newmai chuan, Rajya Sabha member thlanna neih turah hian candidate pakhat chiahin hming a pek luh avangin, inthlan kalpui a nih loh tur thu a sawi. March 4, 2016 atang khan hming pek lut theih hun hawn a ni a, March 11 thleng hawn a ni. Mahse hun hawn chhung hian Kenye chauhin hming a pek luh tak avangin inthlan chu kalpui kher a ngai dawn ta lo a ni.

Kenye hi Phek district-a Chizami khua ami a ni.

Nagaland Assembly-ah hian member 60 an awm mek a, NPF chuan MLA 48 an nei a, BJP-in 4 an neih bakah Independent MLA 8 an awm mek a ni. National Postal Forum (NPF) candidate Kenye hi opposition party leh independent MLA te chuan an thlawp thu an sawi.

Nagaland hian Rajya Sabha-ah seat pakhat a nei a, tunah hian Khekiho Zhimomi chu member a ni mek a, April thla hian a term a hmang zo dawn a ni.