Manipur JAC ten hrem phut

Manipur-a joint action committee (JAC) te chuan sorkar chu Naga helpawl, National Socialist Council of Nagaland NSCN (IM) te hremna pe ngei turin an phut. NSCN (IM) mi leh sate chu March 10 khan Thoubal district-a Heirok thingtlang khuaa hnathawktute lakah mawilo takin an che a, hei vang hian JAC te hian sorkar chu hremna pe ngei turin a phut a ni. March 10-a thil thleng chu JAC hian pawi an tih thu leh vanduaithlak an tih thu a sawi a, hetiang thil hi thleng tawh lo se an duh thu an sawi bawk. JAC hruaitu Laishram Man­dir Singh chuan, "NSCN te hnathawktute laka mawilo taka an che hi kan dem tak zet a, tunhnu-ah chuan thleng tawh lo se kan duh a ni", a ti. Thuchhuah an siam-ah chuan, JAC te hian Thoubal district chu Okram Ibobi Singh kaihhruai sorkar chuan a hlamchhiah niin an sawi bawk.