ULFA ten BJP candidate vau

Hmarchhak hel pawl lian tak United Liberation Front of Assam (ULFA (I)) chuan Margherita Legis­lative Assembly Constituency (LAC) Eastern Assam biala ding tur Bhaskar Sarmah chu an vau. ULFA (I) te chuan mipuite chu election meeting-ah tello turin an hriattir a, BJP candidate te chu Eastern Assam huam chhunga in candidate lo turin an hriattir bawk.

Kum 1996-2001 chhunga ULFA mi leh sa engemaw zat thihna-ah BJP chu inhnamhnawih-ah puhin, phuba lak an tum thu an sawi. Margherita LAC huam chhunga mipuite chu inthlan kaihhnawih, a bikin BJP thil tih reng rengah tel lo turin an hriattir a, an himna tur zawk a nih thu an hrilh bawk.

Margherita LAC-ah hian Congress MLA leh minister hlui ni bawk Pradyut Bardoloi chukum 2001 atang khan thlantlin a lo ni tawh a, amah khing tur hian BJP chuan Bhaskar Sarmah hi an din tir dawn a ni.