NPP President - K Sangma

Meghalaya finance minister hlui Conrad K Sangma chu National People`s Party (NPP) president thar atan thlan a ni.

Conrad K Sangma hian National People`s Party (NPP) dintu leh president ni lai, tunhnaia boral Purno Agitok Sangma, a thlak dawn a ni. Working president Arvind Netam kaihruaina hnuaiah central executive committee member leh general body member te chuan an party president atan hian Sangma chu an thlang a ni.

Party thupuangtu James Sangma chuan thuthar thehdartute hmaah Selsella (ST) constituency, West Garo Hills district Meghalaya-a MLA ni lai mek Conrad K Sangma chu ṭhalaite a fuih phur thiamna leh mite kaihruai thiam a nih vangte, PA Sangma vision leh duhdan te chhunzawm thei ber tur a nih thu a sawi.