Kum 34 hnuah lei dawh zo

Meghalaya-a Warima bridge an tih mai, Simsang lui Williamnagar, East Garo Hills a mi chu kum 34 zet dawh a ni hnuah April thla tawp hian hawn a ni dawn.

He lei dawh hna hi kum 1983 December khan ṭan a ni a, kum 2016 April-ah hawn theihin peih fel a ni dawn ta a ni.

Warima lei hi metre 500-a thui a ni a, contractor pali chu lei dawh hna thawk tur hian thlan an ni a, a inzat ṭheuha thawk tura tih an ni. Hnathawk tura thlan te hian harsatna eng eng emaw an neih avangin lei dawh hna hi thawh chak theih a ni lo. Animal Husbandry Minister Deborah Marak chuan tunhnai khan lei dawh mek hi tlawhin, an hnathawh te a hmunah a enpui a ni. Minister chuan, Warima lei dawh mek hi hawn theiha peihfel ṭep a ni tawh a, April thla hian hawn hman beisei a ni,a ti. Hawn a nih hunah chuan mipui ten ṭangkai taka an hman theih a rin thu a sawi bawk.