BSNL-in Optical Cable a zam dawn

BSNL Assam Telecom Circle chuan Assan-ah km 2,747-a thui Optical cables a zam dawn.

Cable zam tur hian Gaon panchayats (GP) 1,010 huam chhunga block 91 leh district 19 a huam ang. Hei hi National Optical Fiber Network (NOFN) hmalakna niin, Assam state chunga miten internet chak ṭha zawk an hman theih nana ruahman a ni.

BSNL Assam Telecom Circle Chief General Manager M K Seth chuan Assam-ah hian PLB pipe km 1,850 a thui phum a ni tawh thu leh km 1,570 thui Optical Fibre Cable (OFC) zam a ni tawh tih a sawi. Tuna project kalpui turah hian Line 10,000-ah Next Generation Network (NGN) hmanrua hman a ni dawn a, hei hian Internet Protocol (IP) tha zawk leh rintlak zawk broadband, lease line, NGN leh mobile data service-ah te mipuite tan chak tha zawk a pe chhuak dawn a ni.

Broadband connection neisa te tan a thlawnin connection tihsak an ni dawn a, thla khat chhung fixed mobile convergence (FMC) a thlawn bakah, 500 On-net call an tihsak dawn a ni. Heng bakah hian landline, Broadband leh FTTH tithate tan WiFi BSNL Broadb Modem thla tin Rs 100-in thla nga chhung an rulh phalsak an ni dawn tih Circle Chief General Manager M K Seth chuan a sawi.

Hmarchhak bial hi India ramah pawh internet ṭhat lohna ber pawl a ni a, internet chak zawk leh ṭha zawk hmarchhak mipuiten an hman theih nan sorkar laipui pawhin hma a lak me a, Bangladesh nen pawh inremna an siam tawh a ni.