AP-ah Paralympic ṭan

Rualbanlote tana buatsaih Paralympic Games chu March 15 khan Arunachal Pradesh-a Sangay Lhaden Sports Academy Complex, Chimpu, Itanagar-ah ṭan a ni.

He games hi India ram chhunga rualbanlote tan bika siam a ni a, ni thum chhung a awh ang. Arunachal Pradesh Paralympics Association (APPA) buatsaih Paralympic Games hi Arunachal Pradesh-in a thlen hmasak berna a ni a, India ram hmun hrang hrang aṭangin rualbanlo infiammi 130 an tel.

Sports secretary Dani Salu chuan games hi hawngin, flag a pawt pharh. A hawnna-ah hian DPM School for Hearing leh Visually Impaired a naupangte chuan zai leh lam an entir. He games hian a tum ber chu rualbanlo te tan chona siam a, kawng engkima an theihna pholang thei tura chher a ni, a ti.