Nagaland CM in state budget pharh

Nagaland Chief Minister T. R. Zeliang chuan Ningani khan state assembly budget session-ah kum 2016-17 atana state budget a pharh.

Planning Commission tih ṭhin chu Prime Minister Naraendra Modi-a kaihhruai sorkarin NITI Aayog in a rawn thlak a, hemi hnua a a vawi khatna atan Zeliang hian budget hi a pharh a ni.

Kum 2016-17 atana state budget chu cheng vaibelchhe 13,870.98 a ni. Chief minister chuan 13th Finance Commission (FC) aiin 14th Finance Commission (FC)-ah an state chuan hma a sawn zawk tih a sawi a, 13th FC chhunga state sum indaih lohna chu vaibelchhe 1542.71 a nih thu a tarlang. Kum 2016-17 chungin sorkar sum indaih lohna chu vaibelchhe 225-ah tih hniam theih beisei a nih thu a sawi a, sorkar laipui aṭanga state-in tax aṭanga sum a hmuh tur chu vaibelchhe 3016.31 a nih tur thu a sawi bawk. Nagaland hian sorkar laipui project hmanga hnathawhah state tum ve tur za-a 10 chu a pe hlei thei lo a, ba eng emaw zat a nei mek.

Kum 2016-17 budget-ah hian annual plan outlay-ah cheng vaibelchhe 3,924.47 dah niin, Centrally Sponsored Schemes (CSS) hnuaiah vbch 2,882.41, NEC hnuaiah vbch 117.06, NLCPR-ah vbch 230, EAP hnuaiah vbch 115 leh flexible fund atan vaibelchhe 580 dah a ni. Sum senral tur ruahman hi kum hmasa lam aiin 8.35 % in a sang zawk.

Sum hman tur ruahmana zingah cheng vaibelchhe 1,519.38 chu social sector tan dah a ni a, hei hi a vaia sum hman tur aṭanga 38.72% a tling. Economic sector atan vbch 1,903 leh general sector atan vbach 502.08 dah a ni bawk.

Kum 206-17 chhunga state sorkarin sum lakluh leh hmanna tura a ruahmanna te chu -

Income

State sorkar sum lakluh bik vbch 776.90

Central tax aṭangin vbch 3016.31

Central puihna aṭangin vbch 6775.69

Leiba a hmuh atangin vbch 3299.20

Loan rulhna atangin vbch 2.88

Total vbch 13870.98

Expenditure

Non-Plan expenditure vbch 6129.32

Leiba rulhna atan vbch 3592.19

Plan expenditure 3924.47

Total vbch 13645.98