Darkar 15 lungawilohna kalpui tan a ni

Manipura-ah United Naga Council (UNC) huaihawtin Nagate chenna districts-ah darkar 15 awh bandh neih a ni.

He bandh hi Chura-chandpur district-a Chu-rachandpur Joint Action Committee ten Manipur sorkarin anti-tribal bill a pass duh lohna lantira boral ta ‘tribal martar’ te hriatrengna leh zahna hun an hman an thlawp tih lan tir nana buatsaih an nih thu an sawi.

Churachandpur JAC te hian hian martarte hriat-rengna hun hi hmangin ṭawngtai rualna an nei bawk. Manipur Assembly chuan August 31, 2015 khan ‘anti-tribal’ Bill pathum a pass a, he mi duh loh hian state chhung hmun hrang hrangah, a bikin tribal ten lungawilohna an lantir a ni. Nawrh huaihawtnaa buainan chhuakah sipai lam chuan mi 9 an that a, heng mite hriatreng nan leh an zahna lantir nan tribal te chenna bial-ah dawr leh sumdawnna hmun te, school leh office te chu khar a ni. United Naga Council chuan thuchhuah siamin, media, fire service, medical emer-gency leh matric exam mek te a huam lo tih an sawi.

JAC chuan martar te tana tawngtairualna hi YPA Hall, Lamka Public Ground-ah an nei a, pastor 200 bakah kohhran mipawimawhte an tel tih an sawi. Hei bakah hian silai neite chu an silai te van lam hawia hmet puak tura tih an ni a,mahse hei hi district thuneitu lam chuan an remtilo a ni. All Tribal Chiefs’ Forum, Manipur (ATCF) chuan JAC te thiltih chu an thlawp tih an sawi.

Hetih lai hian Kuki Students’ Organisation (KSO) chuan JAC te chu pawl 10 exam lai a nih avangin an thil tih ngaihtuah nawn leh turin an ngen.