Assam-ah Rajya Sabha member thlang dawn

Assam state chuan March 21 khian Rajya Sabha member a thlang dawn. Assam hian Rajya Sabha member pahnih a nei thei a, Congress Party chuan a pahniha hui an tum thu an sawi.

Hetih lai hian Independent candidate Mahavir Jain chuan, Congress hian chak theihna nei sang viau mah se Opposition party zawng zawng an ṭanrual chuan seat khat tal an chhuh theih a rin thu sawi ve bawk.

RS member thlanna neih turah hian Congress party chuan MLA zawng zawng te nen March 20 khian Dispur-ah meeting a nei dawn. Party thuchhuah chuan, RS member thlanna-ah hian seat pahnih an la ngei dawn tih an sawi a, BJP leh AIUDF te ṭangkawp chu hneh ngei an inbeisei a ni. All India United Democratic Front (AIUDF) MLA pahnih chuan an party an zawm thu an sawi bawk.

AIUDF thupuangtu Aminul Islam chuan Rajya Sabha inthlan-ah party candidate tur an la tih chian loh thu a sawi a, an ni ang bawk hian BJP Rajya Sabha member thlanna-ah hian candidate an neih dawn leh dawn loh an la tichiang lo. AGP hruaitu Phani Bhushan Choudhury pawhin candidate tur an la ti chiang lo tih a sawi.