AP-in swap sample 5,428 test tawh

Arunachal Pradesh sorkar chuan Covid-19 kai leh kai loh enfiahna turin swap sample 5,428 a test tawh tih sawiin, heng zinga 4,557 result chu hriat tawh niin a negative a, a dang 871 result la nghah mek a ni. 

Delhi aṭanga tangkhangte hruai hawna bus pahnih tlan tira bus pakhata chuang, zirlai pakhatin hri hi a kai tih hmuh chhuah a ni tawh. Hei vang hian a chuanna bus-a chuang mi dang 31 leh bus dang pakhata chuangte pawh swap sample lak nghal vek an ni a, an zinga 31 result chu hriat ni tawhin a negative a ni a, mi dang result chu nghah mek a la ni bawk. 

AP-a Covid-19 kai hmuh chhuah hi Dedicated Covid Care Centre (DCCC) ah enkawl mek a nih thu health secretary chuan a sawi.