KSU-in Bangladesh ramri veng ṭha turin ngen

Khasi Students' Union (KSU), South West Khasi Hills district unit chuan Bangladesh ramri te khar ṭha turin Border Security Force (BSF) te ngenin, hripui len lai a nih avangin ramri kaltlanga India leh Bangladesh mite inkalpawh tur chu theihtawpa veng turin an ngen.

East Khasi Hill district-a Mawsynram Block aṭanga meter 500 vel chauha hla, Bangladesh-a Dhormopur khuaah Covid-19 kai hmuh chhuah an nih avangin KSU chuan international border-a khuahkhirhna chu khauh zawka kengkawh turin BSF chu an ngen tih an sawi.