SC-in Assam chungchanga Citizenship Act hearing titawp lailawk

Citizenship Act-a Assam state tana hman tur bika dan siam, Citizenship Act section 6A chungchang Supreme Court-in a ngaihtuah mek chu tihtawp lailawk niin, December 5-ah chhunzawm leh a ni ang.

Citizenship Act section 6A hi Assam accord-in Assam mi anga a pawm theihte nen inmil tura Assam tana duan a ni a, Assam-a pem lutte an awm chhunzawm hnua Assam khua leh tui anga pawm theih chinte tarlanna a ni. Section 6A hmang hian Citizenship Act 1985 anga March 25, 1971 hma ni si, January 1, 1966 hnua Assam-a lut leh awmte chu section 18 hnuaiah Assam khua leh tui anga an inziah luh a ngai. Section 6A hian Assam-a pem lutte zinga Assam khua leh tui anga a pawm theihte zingah hian Bangladesh leh he act-in a pawm bik hmun ṭhenkhat aṭanga lo pemte chauh a huam a ni. Section 6A hi Assam-a dan loa pem lutte leh Assam khua leh tui dik takte thliar an nih theihna atan dah a ni a, mahse, tam takin khua leh tui nihna tura document ngaite an neih loh emaw an tihbo avangin Assam-a hman a nih lohna turin Supreme Court-ah an khing a ni.