COP 208 atan Sikkim sorkar flagship programme thlang

Sikkim sorkar hmalakna thar, nau piang thar awm apiang puala thing ṭiak 108 zel phunna tur 'Mero Rukh Mero Santati' (My Tree My Child) chu November 30-December 12 chhunga Dubai, UAE-a Conference of Parties (COP 28) neih tura presentation pek tur atan thlan a ni.

Sikkim chief minister Prem Singh Golay chuan COP 28 atana Mero Rukh Mero Santati initiative thlan a nih thu hi Gangtok-a hun a hmannaah puangin, hei hi Sikkim chauh ni lo, India ram pum tan pawha thil chhuanawm tak a ni, a ti. Dubai-a hun hman turah hian chief secretary VB Patham bakah Forest Department Secretary leh official dangte pawh an tel dawn tih a sawi. Sorkar hmalakna an thlawpna kawngah state mipuite chungah lawmthu a sawi bawk.

Kumin February khan Sikkim sorkar a flagship programme hi a kalpui ṭan a, May thla thleng khan nau nei thar nupa tuak 2,400 te chuan he programme hi zawmin, an naute neih thar pualin thing ṭiak hi an phun tih an lo sawi tawh a ni.