Assam Rifles-te'n NSCN mi leh sa pakhat man

23 Assam Rifles-te chuan beihpui an thlaknaah Assam, Tinsukia-a Borgolai hmunah NSCN mi leh sa, Ram Newar tia hriat leh helai area-a NSCN commander nia hriat bawk chu an man tih an puang. China siam rifle leh SIM card eng emaw zat leh, document pawimawh tak tak pawh an man tel bawk.

Report-a tarlan a nih danin, Ram Pradhan hi pawikhawhna chi hrang hrangah a inhnamhnawih nia hriat a ni a, chung zingah chuan pawisa inrawkna, Ledo, Bargolai, Lekhapani, Bomgarha, Tipong Lalpahar, leh Paharpur-a thlengah te a inhnamhnawih nia hriat a ni. Ram Pradhan hi Assam Rifles te chuan Lekhani police-te hnenah an hlan a, pawikhawihna hrang hranga a inhnamhnawih dan la hriat belh theih zel beisei a ni tih police-te chuan an sawi.