Stipend tang avangin Tripura IGM damdawi-ina intern-te nuar

Tripura khawpui, Agartala-a Indira Gandhi Memorial Hospital-a medical intern ti mek mi 18-te chuan thla nga (5) chhung stipend an dawn tawh loh avangin an nuar a, an hnathawh an chawl.

Medical intern-te hi IGM damdawi in kawtah kal khawmin nawrh hi an huaihawt a, damdawi inah chuan kum hnih chhung an thawh tawh thu leh, thla hnih thum hnu vela pawisa an dawn ṭhin thu sawiin, thuneitute chu an stipend tang pe chhuak vat tura an phut thu an sawi. Nuar zinga pakhat chuan,"IGM damdawi in aṭanga kan stipend dawn tur hi thla nga chhung kan dawng tawh lo a, damdawi in dangah chuan thla tin stipend hi an dawng ṭhin. State hrang hrang aṭangin postgraduate zirlai zawm turin kan lo kal khawm a ni. Health secretary leh thuneitu dangte pawh ni thum danah kan be ṭhin, hma an la duh lo a, kan harsatna chinfel aiin min haider zawk zel," tiin a sawi. "State dang aṭanga lo kalte kan tam a, hostel pek kan nih loh avanga in luah man pekte kan ngai a, in neitute'n chhuak tura an tih si chuan khawiah nge an kal tak ang? Kan harsatna hi chinfel a, pawisa pek kan nih hma chu hna kan thawk chhunzawm tawh dawn lo a ni," tiin intern hian a sawi bawk.

Assam aṭanga kal intern nuar zinga mi, Dr. Goutam Prasad chuan,"Kan Chief Minister ngei pawh hi doctor a ni a, kan harsatna hi a hrethiam tur a ni. CM hian min puih duh ngei pawh ka ring. Ka pain pawisa min dil se nei lo ila eng nge doctor nih chu sawt ang? Kuhva zuar niin ni tin Rs. 500 hlawh ila a hlawk zawk ang," a ti.