Dimapur-a kangmei chhuakah mi 5 an thi

Dimapur, Nagaland-a Naharbari area-ah Pathianni zan khan kangmei nasa tak chhuakin mi panga an thi. Kangmei chhuah lai hian heng mi pangate hi an muhil niin an sawi. Mitthite ruang hi police-te hnenah hlan an ni.

In kang tam zawk hi Naga hnam ni lote in nia hriat a ni a, in 50 kangin heng inte hi thing in an ni hlawm. Kangmei chhuah chhan hi hriat a la ni lo a, thuneitute chuan an chhui zui nghal thu an sawi a, Diwali denchhena bati (Diya) chhit vang emaw, halmawi hal avanga kang niin an ngai. Kang ṭhelh tur hian kang ṭhelh motor paruk lai hman a ni.