Ramri-ah venhimna khauh dawn

Assam assembly inthlan chu ralmuang tak leh him taka neih a nih theih nan security force te chuan ramri ah venhimna khauh takin an kalpui dawn.

Assam ṭhenawm ram leh state aṭanga inthlanna neih chhunga buaina siam tuma luh ruk tum leh mi firfiak te chetna do turin ruahmanna hi siam a ni.

Assam Police, BSF leh SSB te chuan ṭhenawm ram Bangladesh leh Bhutan aṭanga dan lo a luh tum te dan hna an thawk dawn a ni. Myanmar aṭangin Assam-ah hian Arunachal Pradesh leh Nagaland kaltlangin helte chuan kawngṭum an nei niin an sawi bawk.

Hetih mek lai hian March 16 khan United Liberation Front of Asom (Independent) helpawl chuan inthlan neih lai hian buaina chawhchhuah an tum tih an lo sawi ve bawk.