Yusuf Commission report putru chhui a ni ang - Sarkar

Tripura Chief Minis-ter Manik Sarkar chuan Health Minister hlui Bimal Sinha chungchanga Yusuf Commission report siam chu media-ah tarlan a nih thu a sawi a, chhuizui a ni ang, a ti bawk.

Sinha hi kum 1998 March 31 khan Dhalai district-a Kamalpur-ah kahhlum a ni. A thih dan hi Yusuf Commission chuan a chhui a, hetih lai hian media lamah an chhuina report ṭhenkhat chu tarlan a ni. Hemi chungchang hi Zirtawpni khan eptu party hruaitu Sudip Roy Burman chua Assembly inkhawmah sawi chhuakin, eng vanga darh nge a nih zawtin, chhuichian an phut tih a sawi. Chief Minister chuan hei hi chanchinbu lamah amah pawhin a lo hmuh thu a sawi a, oppo-sition ten an ngen angin chhui chian a nih tur thu Assembly a hrilh a ni.

Kum 1998-a thil thleng hi Yusuf Commi-ssion chuan a chhui ngeia, report pawh kum 2000 January 31 khan sorkar-ah thehluh a ni a, mahse sorkar chuan report hi a tlangzarh lo.

He mi chungchang hi tunhnai khan advocate pakhat chuan Tripura High Court-ah a thlen a, court chuan Tripura sorkar chu a rang thei ang ber report chu tlangzarh turin a hriattir a, mahse state sorkar chuan Assembly budget session neih mekah pharh a nih tur thu a sawi ve thung a ni.