Meghalaya-ah dan loa lungalhthei khur nei mi 41 awm

Meghalaya state sorkar chuan an state chhunga don loa lung-alhthei khur nei mi 41 an awm tih an sawi.

Heng lungalhthei khur neitute hming hi state sorkar chuan National Green Tribunal (NGT) hneha a theh lut a ni. NGT hian hun rei tak chhung Meghalay chhunga lungalhthei khur te chu a lo khuahkhirh tawh a, hei hi dan loa lungalhthei lak chhuah leh thawn chhuah tam lutuk tihrehna atana tih a ni. Lungalhthei lakchhuah khapna hian nasa takin state sum lakluh pawh a tihhniam phaa ni.

State Government counsel Ranjan chuan heng mi 41 te hming an pek luh bakah hian midang 300 vel te hming pawh NGT hnenah hian pekluh tel a nih thu a sawi.

NGT hnenah hian report phek 63-a chhah thehluh a ni a, heng hming pekluh te hi chhui chian an ni ang. Mukherjee chuan heng mite hi IPC section 188 (sorkar thuawih lohna) hmanga hrem theih an ni, a ti. He dan hnuaiah hiann thiam loh chantir an nih chuan Prevention of Damage to Public Property Act, 1984, section 3 (2) d, hnuaiah thlakhat chhung lungin tan bakah Rs 200 chawi tir theih an ni.

NGT chuan Meghalaya sor-karin mi 41 hmun a pekte chu March 31 thleng royalty pek a phalsak a, state sorkar chuan Arpril 15 thleng phalsak turin a ngen thung. Hun tiam a zawh hnuah lungalhthei laihchhuah sa te chu lilam a nih tur thu National Green Tribunal chuan a sawi.