Sonia-in Manipur CM ko leh

Congress president Sonia Gandhi chuan Manipur Chief Minister Okram Ibobi Singh leh Deputy Chief Minister Gaikhangam te chu an state-a Congress MLA te inkara buaina awm chungchangah a ko. Manipur Congress hruaitute hian Pathianni khan Imphal chhuahsanin New Delhi an pan nghal a, party president Sonia Gandhi leh vice president Rahul Gandhi te nen buaina an tawh mek chinfel tumin hma an la dawn a ni. Manipur-a congress MLA te chuan Inrinni tlailam khan meeting an nei ve bawk.

Manipur-a rorel lai Congress MLA engemaw zat chuan an party chhuahsan a, opposition party lam thlawp an tum niin a lang. Hei vang hian Congress sorkar chu Assembly-ah sorkarna chelh zel turin MLA ten an thlawp tha tawk em tih fiah a ngai dawn a ni. Congress party hian sorkar a siam zui thei lo a nih chuan an MLA lungawilo te hian BJP an zawm ngei rin a ni a, an zawm a nih chuan sorkarna siam tura MLA neih ngai zat an tlin thei dawn a ni.