Nagaland-in vawk leh vawk sa chungchanga khapna siam hlip

Nagaland sorkar chuan hri lenna hmun leh hrileng dinhmun an thlithlai rengna, Kohima-a Sechu leh Zubza tana thuchhuah a lo siam tawh, vawk talh, vawk sa thawn chhuah leh lak luh bakah, vawk leh vawk note thawn chhuah khapnate chu hlih a nih thu a puang.

African Swine Fever (ASF) avanga National Action Plan hmalakna an kenkawh hun chhung hi thla hnih a tling hman a, tun dinhmunah ASF hrilengin ziaawm lam pan leh hri kai thar an awm loa hriat a nih avangin khapna thupek an lo chhuah tawh chu an hlip a ni. Sorkar chuan mipuite chu chet thianghlim kawngah leh ei leh in sawngbawl kawnga dan awmte zawm ṭha tura chahin, vawk damlo leh vawk awmdan dik lo an hriatte chu thuneitute hnena thlen nghal zel turin an hriattir bawk.

Thuneitute chuan ASF a darh zel lohna tur erawh chuan mipuite an ṭan a ṭul thu an sawi a, sorkarin inkaihhruaina leh thupek a chhuahte zawm a, vawk aṭanga hlawkna an hmuh leh a kaihhnawih hrim hrim thua an him tlan theih nan inral ringa awm reng turin an chah.