Meghalaya : Vety department tan hmunhma changtlung zawk phût

Meghalaya-a North Garo Hills-a awm, Bajengdoba-a Achik Holistic Awakening Movement (AHAM) pawl chuan Bolsonggre hnuaia Aniaga khua tlawhin, Veterinary department awmna khaw pawimawh tak a nih thu sawiin hmunhma leh hmanrua an tlachham nia hriain, an mamawh ang thilte pe vat turin sorkar an phut.

"A hmunah thil awmdan kan hmu a, thil nihna hriat chian tumin khaw hotute kan kawm bawk. Bolsonggre veterinary quarter-a tui leh eng mumal taka pek a ni lo hi hriatthiam har kan ti a ni. An mamawh pek an nih loh chuan Vety department hnuaia hnathawkte thawh tur a tihbuai bakah, an ran enkawl leh bawihsawmte dinhmun thlengin a nghawng thei a ni," tiin tui leh kawlphetha pawh mumal taka pek an nih loh chuan hnathawkte tan pawh hnathawh a harsat theih phah thu an sawi. AHAM chuan an vety staff-te'n ṭha taka hna an thawhna tur daltu ni thei zawng zawng chu a ranglama thuneitute'n chinfelsak thei se an duh thu an sawi a ni.

"Bolsonggre veterinary quarter-ah hian mumal taka tui leh eng pek a nih theihna atan hmalak vat ni se kan duh. Bolsonggre AH & vety department-ah hian khaw 200+ chuang an innghat a, helai hmun changtlunna hian nasa takin kawngro a su dawn a ni," tiin AHAM President, Kollingwath D Sangma chuan a sawi bawk.