Tripura Health Department-in intern stipend pek tur a puang

Tripura Health Department chuan thla nga chhung stipend pek an nih tawh loh avanga nawrh huaihawt mek, IGM damdawi ina intern doctor-te chu mumal taka stipend an pek tawh tur thu a sawi. IGM damdawi ina thawk intern doctor nuarte hi mi 20 an tling a ni.

Health department official chuan intern nuar mekte leh department aiawh mi ṭhenkhatte'n inbiakna an neih tawh thu sawiin,"Stipend hi a rang thei ang bera pek chhuah tum a ni a, anni mai bakah hian damdawi in danga thawkte pawhin stipend hi a hun taka an dawn zel theih nan hma kan la ang," tiin a sawi. Health department hian nursing and medical staff 100 bakah doctor 226 lak thar an nih tur thu puang zui bawkin, heng hna lakna tur hian ruahmanna a kal mek tawh thu leh, khawpui ni loa inenkawlna dinhmun tihṭhat theih beisei a nih thu an sawi bawk.