Khualzin tam zawk hip turin ADB-in Tripura pui dawn

Asian Development Bank (ADB) chuan Tripura-in khualzin tam zawk hip luh tuma hma a laknaah a pui dawn.

ADB hian Tripura Tourism Development Corporation Limited (TTDCL) chu kum 10 chhung atan a thawhpui dawn a, state chhunga tourism facility leh urban service tihchangtlunna atan loan, USD mtd 1000 a pe dawn a ni. An project-ah hian digital museum leh adventure park thar siamna tur pawh a tel.

Bank chuan Tripura hian ram chhung leh ram pawn aṭanga khualzin hip luhna tur hmun ṭha tak tak a nei a ni tiin, ruahmanna fel fai tak a awm loh avang te, infrastructure ṭha tawk lo leh inkalpawhna ṭha tawk lo avangin tourism lama an theihnate chu an la pho chhuak zo lo a ni, economy lama hmasawnna leh tualchhung mite hna siamsakna turte hman chhuah a la ni lo, a ti.

"Tripura-ah hian tourist attraction tam tak a awm laiin, khualzin tlawhtu zat erawh a hniam hle. Kum 2019 khan khualzin hi nuai ruk vel awmin, India state zingah domestic tourist nei tam lamah 32-na leh, foreign tourist lamah 23-na chauh a ni pha," tiin ADB chuan a tarlang.