Assam cabinet-in Kuki leh Biate-te tribal status pek remti

Assam cabinet chuan an state-a Kuki leh Meitei hnamte chu tribal status pek a remti a, state sorkar chuan hemi chungchanga a rawtna hi sorkar laipuiah a thlen ang.

Ningania Assam cabinet meeting hian an state-a Khasi leh Jaintia hnam awmte pualin Khasi-Jaintia Development Council din a remti bawk.

State chhunga school education ṭha zawk kalpui a nih theihna turin, cabinet chuan Board of Secondary Education, Assam (SEBA) leh Assam Higher Secondary Education Council, Assam (AHSEC) chu chhunfin an remti a, ‘Assam State School Education Board’ (ASSEB) tih a ni ang. SEBA hi kum 1962-a din niin, AHSEC hi kum 1984-a din a ni. Chhunfin an nih tak avangin ASSEB hian class pali - IX, X, XI leh XII te a nei tawh dawn a ni.