Congress-in candidate hming puang leh

Assam state-a rorel lai Congress party chuan a vawihnih nan inthlan-pui April 4-11 chunga an hmachhawn turah candidate te hming chu Thawhtanni khan a puang leh. Congress party MLA ni lai pathum Dr Bhumidhar Barman, Capt Robin Bordoloi leh Hemanta Talukdar te chu candidate tur zingah hian telh an ni lo.

Assam Pradesh Cong-ress Committee (APCC) ten a thawhhnihna atana candidate hming a puan hi mi 57 an ni. List puan tharah hian Dr Bhumidhar Barman-a fapa Diganta Barman chu Barkhetri LAC-ah a ding dawn a, MLA 13 te chu an dinna bial ngai-a ding leh tura tih an ni bawk.

Hetih lai hian MLA Capt Robin Bordoloi from Guwahati chu thlan tlin a nihna Guwahati East aṭangin Bobbeeta Sarma bial-ah ding tura tih a ni. A ni bakah hian Guwahati West constituency aṭanga vawi hnih thlan tlin tawh Talukdar chu a dinna ngaiah a ding thei tawh dawn lo a, a aiah hian Juri Sarmah Bordoloi chu a ding dawn a ni. MLA ni lai mek, an dinna ngaia ding turte chu- Chandan Kumar Sarkar (Abhyapuri South-SC), Sibchandran Basumatary (Dudhnai-ST), Sukur Ali Ahmed (Chenga), Rekibuddin Ahmed (Chaygaon), Akon Bora (Dispur), Ghanshyam Kalita (Rangiya), Ni-lamani Sen Deka (Dhar-mapur), Basanta Das (Mangaldai-SC), Md Ilias Ali (Dalgaon), Bibe--kananda Dalai (Jagiroad-SC), Jonjonali Baruah (Marigaon), Dr Nazrul Islam (Laha-righar), Gautam Bora (Batadroba), Dr Durlav Chamua (Now-gong), Rakibul Hussain (Samaguri) leh Dr Ardhendu Dey (Hojai) te an ni.

Candidate hming puan tak zingah hian Muslim an tam ber a, mi 19 an awm a, hmeichhia panga an awm bawk. Heng bakah hian party zawm thar Dr Zoii Nath Sarmah chu Sipajhar LAC-ah ding dawn a, a ni bakah hian Sankar Prasad Roy chu Bongaigaon bial leh Biswajit Ray chu Bijni bialah te an ding ve dawn bawk a ni.