Hmarchhak ramri ven ngawrh a ngai : HM

Union Home Minister Rajnath Singh chuahn Thawhṭanni khan India ramri a bikin hmarchhak huam chhung amite chu ven uluk a ngaih thu a sawi.

Home Minister chuan, Myanmar leh Bangladesh aṭanga India rama hel lut eng emaw zat an awm tih a sawi a, heng lai hmun aṭang hian dan loa ralthuam tawlh ruk a hluar hle bawk niin a sawi. India rama paramilitary force hlun leh upa ber Assam Rifle din cham vawi 181-na a hmanpuina-ah HM chuan he thu hi a sawi a ni.

Rajnath Singh chuan ramri-a dan loa ralthuam tawlh ruk chungchang hi hmarchhak biala state tin chief minister te nen an la sawiho tur thu a sawi. Venhimna kalpui a nih theih nan hian sorkar laipui chuan state tin te an mamawh angin sum a pe chhuak dawn niin a sawi bawk. Heng bakah hian helpawl ten inremna neih an duh phawt chuan inbiakna neihpui turin sorkar laipui chu a inhawng reng a ni, a ti.

Meghalaya chief minister Mukul Sangma chuan hmarchhak bial-ah ralthuam tawlh ruk a tam thu sawiin, heng ralthuam te hi man tlawm zawkin awlsam takin a neih theih a, chu chuan helna a tipung zual niin a sawi a, sorkar laipui chu hma la thuai turin a ngen ve bawk.

Hmarchhak huam chhungah hian India leh a ṭhenawm ram Myanmar inrina chu km 1,600 thui a ni a, km1,880 zeta thui Bangladesh nen an inrinna a awm bawk.Hmarchhak state zingah Assam, Mizoram, Nagaland, Manipur leh Tripura te chuan ramngaw ṭha tak a la nei a, hengte hi ralthuam tawlh ruk nan mi tam tak chuan an hmang tih tarlan a ni bawk.

Ralthuam hrang hrang AK-47, AK-56, laipui,40 mm rocket launcher, pistol, revolver leh grenade te chu Arakans kal tlangin Myanmar, Thailand leh Cambodia aṭang tein lakluh an ni ṭhin.