Assam-in zirna in hawn hun Aug 25-ah ngaihtuah dawn

Assam sorkar chuan state chhunga zirna in, school leh college te hawn theih hun tur chu August 25-ah ngaihtuah a ni dawn tih a puang.  

Health and education minister Himanta Biswa Sarma chuan zirna in hawn leh hawn loh tur chungchangah mipuite lam aṭangin rawtna hrang hrang an dawn thu a sawi. Heng rawtna hi August 25-ah sorkar chuan a ngaih­tuah dawn a, home affairs ministry lam rawtna pawh an en tel dawn tih a sawi a ni. 

Inrinni khan Assam-ah hri kai hmuh thar mi 1,057 an awm leh a, hemi ni vek hian mi 1,593 chu enkawl damin damdawiin aṭangin chhuah tir an ni bawk, hri vangin mi pasarih an thi leh bawk.  Assam-a hri kai hmuh tawh hi 75,558 an ni tawh a, an zinga  51,693 chu enkawl dam an ni tawh. 

Hri kai zinga mi 182 in an thihpui tawh bawk a ni. Minister Sarma chuan Inrinni bik khan sample  20,805 test a nih thu a sawi a ni.