Tripura-ah hri kai paruk thih belh leh

Tripura-ah Covid-19 kai mi paruk chu Inrinni khan an thih belh leh a, anni nen hian hri vanga thi hi mi 55 an tling tawh. Ni thum chhungin hripui vang hian mi 11 an thi a ni. 

State chhunga hri kai hmuh chhuah tawh chu 6,952 tling tawhin, an zinga  5,151 chu enkawl dam an ni tawh a, enkawl mek mi 1,725 an awm. 

CM Biplab Kumar Deb chuan an state-a hri kai pung zel mah se, a enkawlna damdawi leh personal protective equipment (PPE) kits lama indaih lohna a la awm lo tih a sawi. Inrinni liam taa Agartala-a Assam Rifles Parade Ground-a Independence Day lawmnaah thu a sawiah CM chuan sorkar chuan hri darh zel tur venna kawnga theihtawp a chhuah zel thu a sawi. Sorkar chuan Covid-19 kaite enkawlna tur khum 2,129 awm theihna a buatsaih thu leh, Dhalai district headquartrs Ambassa-ah medical college din a nih tur thu a sawi bawk.