Helten duhthlan tur dang an nei lo: Mukul

Meghalaya Chief Minister Dr. Mukul Sangma chuan Thawhlehni khan an state chunga hel pawl hrang hrangte tan duhthlan tur a awm lo niin a sawi a, sorkar kuta inpek mai chu an tih tur awm chhun a nih thu a sawi.

Chief Minister hian United Democratic Party MLA Jemino Mawthoh-a zawhna chhangin, hel-pawl a bikin Garo Natio-nal Liberation Army (GNLA) te chu sorkar kutah inpe mai se an tan a ṭhat zawk tur thu a sawi a, Security Force ten an danchep mek zel avangin an tan duh thlan tur a awm lo a ni,a ti. Chutiang ti tur pawh chuan hel pawl hruaitute chu a ngen nghal bawk.

CM chuan sawi chhun-zawmin, Achik National Volunteer Coun-cil (ANVC) te chetdan chu a dem thu a sawi a, ANVC leh State sorkar chuan inremna thuthlung an ziak a, mahse tun thleng hian Mokus a kaihhruaiin ANVC mi lehsa enge mawzat chu ramngawah an la khawsa niin a sawi.

Sangma chuan ANVC te chetdan anga che ve lo turin helpawl te chu a ngen bakah inremna an duh tak tak a nih chuan sorkar chu a inhawng reng tih a sawi. Tun hnai khan ANVC Commander In-Chief chu GNLA te hnenah ralthuam a hralh avangin man a ni nghe nghe.

Meghalaya-ah hian GNLA helte hian pawi-khawihna an thlen reng avangin state sorkar leh sorkar laipui chuan an lakah beihpui a thlak mek a, GNLA mil eh sa an kah-hlum bakah ralthuam ṭha-hnem tak an man tawh a ni.