Sorkar laipui aṭanga Sum hmuh pawt-pengah puh

Bharatiya Janata Party (BJP), Assam Pradesh thu chhuah chuan sorkar laipui atanga sum hmuh thenkhat chu Assam state-a Congress sorkar-in a pawtpeng niin a tarlang.

MP leh national party secretary ni bawk Ramen Deka chuan thuthar thehdarhtute a kawmnaah, scheme hrang hrang NLCPR, AIBP leh NRHM atana sum hmuh ṭhahnem tham tak chu State Finance Department chuan a pawtpeng niin a sawi.

Sum hmuh zawng zawng atanga 30% lai chu a hmanna tur atana tih ni loah state sorkar chuan a hmang niin BJP thuchhuah chuan a tarlang. BJP Assam Pradesh Minority Morcha president Muminul Aowal pawhin hemi chungchangah hian sorkarna chelhtu Congress leh AIUDF te chu an inthurual niin a sawi a, hei bakah hian ṭhenawm ram Bangladesh aṭanga dan loa Assam-a lut te chu an hum niin a sawi bawk.