Central force duty laia thi te ralna tur Manipur sorkarin siam

Manipur chief minis­ter N Biren Singh chuan Manipur mi, Indian Army leh paramilitary force-a thawk, an duty laia thite chu state sorkarin an chhungte cheng nuai nga zelin a ral dawn tih a sawi. 

Inrinnia Indepen­dence Day lawmna, Imphal-a 1st Manipur Rifles parade ground-a neiha thu a sawinaah CM chuan scheme thar an siam thu hi a puang a ni. He scheme hi Major Laishram Jotin Singh ex-gratia scheme tih a nih thu a sawi bawk. 

Major Laishram Jotin Singh hi Indian Army-a doctor niin, kum 2010, February 26 khan Kabul-a thihchilh bomb puakah a thi a ni. Kum 2011 khan a thih hnuah  chawimawina, Ashok Chakra hlan a lo ni tawh bawk a ni.