Manipur sorkarin tribal pawl hruaitute lakah thubuai theh lut

Manipur sorkar chuan Kuki-Zo pawl; Indigenous Tribal Leaders' Forum (ITLF) hruaitute lakah thubuai theh lutin, an thubuai theh luh hi Kuk-Zo pawlte'n nawrh an huaihawt laia tribal-te tana rorelna hran neih thu an puan vang a ni.

Churachandpur police station officer-in-charge, Inspector, N. Thangzamuan chuan ITLF general secretary Muan Tombing lakah thubuai hi theh lutin, Indian Penal Code (IPC) section; 121A, 124A, 153 leh 120B hnuaiah te thubuai hi a ziak a ni. Heng IPC section hian sorkar laka helna bakah, buaina chawh chhuah tuma invauna te a huam tel.

ITLF hruaitute hian Manipur-a Meitei leh Kuki te inkara buaina chhuak chungchanga rorelsak an nih danah sorkar chuan ṭan lam neia an hriat avang leh rorelna dik phuta nawrh huaihawtin, an beisei leh thil phutte chu kar hnih chhunga tihsak an nih loh chuan district pathuma tribal-te chuan rorelna hran neih an puan tur thu an sawi a ni.