Manipur-ah Holi lawm vangin thi leh hliam awm

Manipur police te chuan an state-a Holi lawmna-ah mi pahnih an thih thu leh mi dang 100 chuangin hliam an tuar thu Inrinni khan an sawi. Manipurah hian Holi hi ni nga chhung hman a ni.

Hliam zawng zawngte hi sorkar damdawi in leh mimal damdawi in-ah te dahluh an ni a, an zinga 20 te chu an hliam na hle a, intensive care unit (ICU) ah dah an ni. Imphal East leh Imphal West district-ah Motor Vehicle Act bawhchhiahte zawn chhuah hna thawh nghal a ni a, police te hian he mi 2211 an man tawh a, heng mite pawisa chawi tling khawm hi cheng 2,61,700 a ni.

Holi vuakveta dan bawhchhiate zawn chhuah hna hi thawh chhunzawm reng a ni a, dan bawhchhia mi tam tham tak an man belh zel a, an pawisa chawi tlingkhawm pawh nuai 5 a tling thei dawn niin an sawi. Thalai tam tham tak te chuan kawtthlerah lirthei an khal chhuak a, mipui zingah hlauhawm tak taka lirthei khalhin, a then te chu an che sual a, hei hian chhiatna nasa zawk a thlen ta a ni.

Holi lawm hian zan rei tak thleng an pungkhawm niin an sawi.