Hmarchhak-ah tui hmanga inkalpawhna project 17 kalpui a ni dawn

Union minister Jitendra Singh chuan Inrinni khan hmar-chhak state-te tan ṭhen--awm ramte nen tuipui kal-tlanga inkalpawhna tur project 17 sorkar laipuiin a ruahman thu a sawi. Tuipuia inkalpawhna hi rel kawng, vansang leh khawmuala inkalpawhna te belhchhahna tur leh hmarchhhak state pariat tihhmasawnna atana siam a ni dawn a ni.

Development of the North-eastern Region (DoNER) minister chuan hei hi Act East policy hnuai hmalakna peng pakhat a nih thu a sawi a, sor-kar laipui chuan hmarchhak bial tihhmasawn chu a ngaih pawimawh thu a sawi bawk.

Singh chuan, ram chhungah tuipui kaltlanga inkalpawhna 100 chuang zet siam mek a nih thu leh, chung zinga 17 te chu hmarchhak bialin an
ṭhenawm te nena inkalpawhna ṭha zawk an neih theihna tur a nih thu a sawi. Tuipui kal tlanga inkalpawhna chu oil renchemna ṭha tak a nih thu leh, senso tlem leh ramngaw tichhe si loa siam theih a nih avangin motor kawngpui leh relkawng te aiin a ṭangkai zawk a ni, a ti bawk. Thla hmasa khan Parliament chuan National Waterways Bill, 2015 chu a lo pass tawh nghe nghe a, inland waterways 106 leh National Waterways awm sa paruk te thawmṭhatna turin Parliamentary Standing Committee on Transport, Tourism and Culture chuan rawtna a siam bawk.

Jitendra Singh hian Inrinni khan Tripura Chief Minister Manik Sarkar a kawm a, hmarchhak biala waterway project 17 kalpui tur chuan Bay of Bengal-Brahmaputra te chu a thlunzawm a ngai dawn niin a sawi a ni.