DoNER Minister Dr Jitendra Singh chuan kar kalta Inrinni khan BJP party programme hmanpuiin Tripura a tlawh a, Chief Minister Manik Sarkar chu a office-ah a kawm nghal bawk. An inkawmnaah hian Singh chuan, Indo-Bangla railway project DPR chu siam zawh a nih chuan sorkar laipui chuan sum a pechhuak thuai dawn tih a sawi. 
State BJP unit president Biplab Deb leh party senior leader Sunil Deodhar te chu party hun hmanna-ah hian an tel a, BJP hian kum 2018-a state inthlan an hmachhawn hunah sorkarna siam ngei tumin hma an la ṭan der tawh a ni. 
DoNER Minister chuan km 15-a thui Indo-Bangla rel kawng siam mek chu zawh thuai an duh tih a sawi a, hemi atan hian Ministry of External Affairs (MEA) pawhin hma a lak mek thu leh, sum pawh pek chhuah thuai a beisei thu a sawi a ni. Hei bakah hian hmarchhak state hrang hrangah helicopter service tir tum a ni tiin, DoNER leh Civil Aviation Ministry&nbsp;ṭangkawp chuan hemi atan hian ruahmanna an siam mek niin a sawi bawk. 
Minister chuan Narendra Modi-a kaihhruai sorkarin Act East Policy a kalpui chu thil lawmawm tak a ni a, hei hian&nbsp;ṭhenawm ram a bikin Bangladesh nen inlaichinna ṭha zawk a thlen thu a sawi. Modi chuan hmarchhak biala hmasawnna project hrang hrang te chu chak zawka kalpui a nih zel theih nan hma a la ve reng a ni. 
DoNER Minister Jitendra Singh hian journalist te hun a hmanpui bawk a, minister hian Journalist te chu mipui tana hnathawk an ni tih hre reng tur leh, an pawimawhna te hria a, sorkar nena ṭha taka thawk tlang turin a duh a ni. 
Tripura Journalists’ Union (TJU) leh Northeast India Federa-tion of Journalists te chuan Annual State conference Agartala Press Club-ah an hmang a ni. MP Jitendra Chou-dhury, general secretary of Indian Journalists’ Union D Amar, Press Council of India Amar Kureshi leh Prabhat Das, vice-president of IJU Gitartha Pathak bakah secretary of Northeast Federation of Journa-lists’ Union Bedabrata Lahkar te chuan he hun hi an hmanpui.