Meghalaya Bus Service-in sum hloh hnem
Comptroller and Auditor General (CAG) chuan hun rei tak chhung Meghalaya Urban Development Authority (MUDA)-in Meghalaya Transport Corporation (MTC) kutah STPS a hlan mai loh avangin July 2011 thleng khan sum cheng nuai 122.49 a hloh tih a sawi.
MUDA hian Jawaharlal Nehru National Urban Renewal Mission (JNNURM) hnuaiah bus 120 a lei a, hemi atana sum sen ral hi vaibelchhe 17.06 lai a ni. Bus leina tana sum sen zawng zawng za-a 90 chu sorkar laipui tum a ni a, state sorkar chuan za-a 10 a tum ve bawk.
Ashok Leyland bus 50 chu MUDA kutah October, 2010 leh July, 2011 inkar khan hlan a ni a, a dang Tata bus 70 te chu October, 2012 leh June, 2013 inkar khan MUDA kutah hlan a ni thung. Ashok Leyland bus 50 te hi Corporation kutah hlan a ni a, an ni hian July 2011-January, 2013 thleng an enkawl a, a hnu kum 2013 khan bus 120 te chu mimal kutah MUDA enkawlna hnuaiah hlan a ni. Mahse MUDA hian eng emaw harsatna avangin JNNURM kutah a hlan let leh a ni.
MUDU hian JNNURM hnena bus a hlan chhawn te hi , corporation kutah a hlan mai loh avanga an sum hloh zat hi cheng nuai 122.49 lai a ni bawk. Tihkhawtlai a nih chhanah hian Special Purpose Vehicle (SPV) leh State Cabinet chu a mawhphurtu nia sawi a awm bawk.