Visa tihtawp duhtu Roy

Tripura Governor Tatha­gata Roy chuan ṭhenawm ram Bangladesh nen inkalpawhna atana visa system hman mek chu ṭha a tih loh thu leh, hei hian dan loa ramri aṭanga lut nasa takin a tipung niin a sawi.

India leh Bangladesh ramri-ah hian dan loa lut ru eng emaw zat an awm reng a, a bikin hmarchhak state-ah a hluar hle. Hei hian nasa takin Tripura, Assam leh a chhelh velah te harsatna a thlen a, sorkar laipuiah pawh thlen a ni tawh.

Tathagata Roy hian Bangladesh Assistant High Commission ten Bangladesh Independence Day lawmna an buatsaih a hmanpuina-ah he thu hi Inrinni khan a sawi a ni. Governor chuan Ministry of External Affairs hnenah Visa system hman mek chu hmang tawh lo turin ngenna thlen a tum thu a sawi bawk.

Ram pahnih aiawh te chuan he mi chungchang hi sawidun se la, harsatna hi sut kian thuai a nih rin thu Roy chuan a sawi.