AP CM-in NPS sum pe chhuak

Arunachal Pradesh Chief Minister Kalikho Pul chuan hun rei tak chhung National Pension System (NPS) sum tihkhawtlai tawh cheng vaibelchhe 156 chu a pechhuak ta.

NPS sum zinga Rs 156,92,20,754 chu reserve fund atan kum 2008 atanga 2015 thleng khan dah a ni a, hei vang hian he scheme hmangtuten hamtṭhatna an dawn turte chu hun rei tak chhung tihkhawtlai sak an ni tawh a ni.

Arunachal Pradesh sorkar chian NPS hian kum 2008, January 1
aṭang khan a hmang ṭan a, scheme leitute hian treasury challan kaltlang-in Head of Account hnenah an sum deposit turte hian thun a ni.

Chief minister chuan heng sum te hi pek chhuah mai theia peih fel a nih tawh thu a sawi a, Director of Accounts and Treasuries chuan March 31 hmain National Security Depository Limited (NSDL) ah a dah dawn a ni.

Arunachal Pradesh sorkar hnuaiah hian NPS subscriber hi mi 13,026 an awm mek a, Permanent Retirement Account No (PRAN) nei mi 1,000 an awm bawk. State sorkar chuan ITI leh Craft Centre-a trainning te thla tin stipend a pek
ṭhin cheng 550 chu cheng 1400 ah a tihpun sak bawk.