Dr Jitendra Singh-an Tripura a tlawh

Union Minister of State for Development of North Eastern Region (DoNER), MoS PMO, Personnel, Public Grievances, Pensions, Atomic Energy and Space changtu Dr. Jitendra Singh chuan Tripura a tlawh.

Kar kalta Inrinni khan DoNER minister leh Tripura Chief Minister Shri Manik Sarkar-te chu Agartala-ah an inkawm a, Indo-Bangladesh rel kawng chungchang an sawi.

DoNER minister chuan hmarchhak tihhmasawn chu sorkar laipui ngaihpawimawh ber pakhat a nih thu sawiin, Indo-Bangladesh relkawng siam mek chu mellung pawimawh tak a nih tur thu a sawi. Rel kawng hian Agartala a paltlang dawn avangin nasa takin state-in hmasawmna a hmu thei dawn a ni. Tripura chu India leh Bangladesh insum dawn tawnna kawng pawimawh tak a ni dawn a ni a ti.

Dr. Jitendra Singh chuan chanchinthar thehdarhtute hmaah, Tripura chu sorkar laipuiin Act East Policy a kalpui mekah hmun pawimawh tak a chang a ni, a ti. Pradhan Mantri Gram Sadak Yojana (PMGSY) hnuaiah North-East Road Development Corporation (NRDC) din a ni a, tunah hian motor kawngpui eng emaw zat suiam mek a ni a ti bawk.

State chief minister chuan Union Minister hnenah hian state harsatna hrang hrangte a lo then ve bawk.