Hmarchhak zirlaite ven-himna ṭha pe turin phut
All India Tribal Students’ Association, Assam (AITSAA) chuan Pathianni khan Guwahati-a Barbari Magazine Tiniali-ah hmarchhak zirlaiten en hran leh tihduhdah an tawrh fo avanga lungawi lohna an lan tir.
AITSAA chuan hmarchhak zirlai, Assam leh state dang
aṭanga India ram khawpui hrang hranga lehkha zir te chu en hran leh hmusit an ni tih sawiin, thuneitu te chu venhimna ṭha zawk pe turin a phut a ni.
Lungawilohna lantirtu te hian kawng zawhin, ‘Narendra Modi go back’, ‘Tarun Gogoi go back’ ti tein an aurual a ni. Hei bakah hian “anti-tribal rule" an duh loh thu an tlangau pui bawk.
AITSAA advisor Arindom Prince Panging pawhin hmar-chhak zirlaite tawrhna chu thil pawi tak a ni a ti a, hei hian an rilru leh taksa-ah nghawng thalo tak a neih thei a ni. A bikin Delhi, Mumbai leh Bangalore-a hmarchhak zirlaite chu venhimna tha zawk pek an ngaih thu a sawi bawk. Lungawilohna lantirtute hian Prime Minister Narendra Modi leh Chief Minister Tarun Gogoi lim te chu an hal a, an duh ber chu hmarchhak zirlaite himna leh enhran bik an nih thin chu titawp a ni tih an sawi.
Hei bakah hian AITSAA chuan Delhi Police te chu Angshuman Padun thihdan chhui chiang turin an phut a, thi chhungte hnenah zángnadawmna cheng nuai 50 pe turin an phut a ni.