Thil ei sual vangin NIT Silchar zirlai 40-te damdawi inah dah

National Institute of Technology, Silchar-a zirlai 40-te chu thil ei sual avanga harsatna tawkin damdawi-inah enkawl mek an ni a, an zinga ṭhenkhat na zual deuh awmte chu enkawlna uluk zawk pek an ni.

Thil ei sual avanga zirlai 40-in harsatna an tawh hnu hian NIT thuneitute chuan an zirlaite chu pawn lama ei tur ei lo turin thuchhuah an siam nghal a,"Tuna kan zirlai zinga ei tur ei sual avanga harsatna tawk mek an awm avang hian campus pawn lama ei tur ang chi reng reng chu ei rih lo tur leh, lei lo turin kan inhriattir a ni," tiin an tarlang.

NIT studetns union, Gymkhana member te chuan zirlai thil ei sual avanga harsatna tawkte chuan an instituton gate pawna momo an ei thu an sawi. Zirlai 40-te hi Jeevan Jyoti Institute of Medical Sciences-ah dah an ni hlawm a, ṭhenkhat erawh chu Silchar Medical College-ah dah an ni thung. Food Safety and Standards Authority of India (FSSAI) chuan NIT Silchar-a thil thleng hi a hmunah zir chiang tura pan nghaln, ei tur thianghlim leh him chungchanga dan awmte hrilh hriatna an nei nghal bawk a ni.