Assam Rising Sun Water festival ṭiak

Assam culture hausakna phochhuak tura a ṭum khatna atana buatsaih, rising sun water festival chu ni thum chhung hman a nih hnuah nimin khan a ṭiak. Festival tawp ni hi Deepor Beel, Guwahati-ah hman a ni. Ni thum chhung hian tui lama intihsiakna leh ennawm hrang hrangte buatsaih a ni.

Intihsiakna buatsaih zingah hian lawng inkarsiak awmin, club 15 aṭangin mi 100 chuang an tel a; mipa, mipa puitling, hmeichhia leh open category-ah te intihsiak niin, Enterprise, Laser leh Optimus class-ah te ṭhen a ni. Official-te tarlan danin intihsiakna zawng zawng hi khawvel huap pawha jury ṭha ber ber te'n an endik a ni. Intihsiakna bakah hian tui lama infiamna dangte chawikan nan, wind surfing, speed boating leh fun sailing te entir a ni. Hyderabad Yatch club chu sailing bikah pakhatna niin, Indian Army 236 IWT te chu rowing bikah pakhatna an ni bawk.

Festival kharna hun buatsaihah hian khuallianah Chandra Mohan Patowary hman niin Nandita Gorlosa, Minister of Sports; Kamakhya Prasad Tasa, MP; B Kalyan Chakravarthy, Principal Secretary; Lt Gen Rana Pratap Kalita, Army Commander Eastern Command leh Lt. Gen Manish Erry, GOC Gajraj Corps te chuan festival hi an hmanpui bawk a ni. Closing ceremony bikah hian tualchhung hnam rimawi, lam leh art te entir a ni a, drone show te neih ni bawkin, Saraighat inbeihna lemchan te entir a ni bawk. Indian Army-te chuan ralthuam phochhuahna hun an buatsaih bakah, helicopter fly-past leh special forces van boruaka inbei laite chu entir a ni bawk a ni.