Assam Transport Minister-in bike rally nei

Assam transport minister Parimal Suklabaidya chuan state mipuite hnena road safety hrilhhriatna leh zirtirna kawng khat atan Thawhṭanni aṭang khan bike rally a nei.

Bike rally hi ni 30 chhung neiin, assembly constituency 126-te a kal chhuak vek dawn a ni.

Assam-ah hian kumin January - October chungin motor chet sualna ṭum 6,001 a thleng tawh a, heng chet sualnaah hian mi 2,606 in nunna chanin, hliam tuar mi 4,800 an awm bawk.

Minister hian Thawhṭanni khan lower Assam-a Goalpara a thleng a, nimin khan state khawthlang lam Dubri district a pan. Lower Assam-a district hrang hrangte a kal kual hnuah Guwahati lamah a kir ang. A kalnaah hian tualchhung mite bakah, driver union hruaitute pawh a kawm nghal zel a, district tinah Road Safety Councils meeting an buatsaih zel dawn bawk a ni.