Rahul Gandhi leh Priyanka Vadra-te'n Tripura tlawh dawn

All India Congress Committee (AICC) hotu, Rahul Gandhi leh Priyanka Vadra Gandhi-te chuan December thlaah Tripura an tlawh dawn.

AICC in-charge Tripura, Szarita Laitphlang chuan press briefing a neihnaah partyhruaitute zin tur thu hi sawiin, state panga assembly inthlan result puan a nih hnuah Tripura hi an tlawh dawn tih a sawi.

Laitphlang chuan Rahul Gandhi leh Priyanka Gandhi Vadra-te hian Tripura mipuite harsatna tawh hrang hrangte an ngaithlaksak dawn a, hmun hrang hrangah hun an hmang dawn a ni, a ti. Hnam hrang hrangte inpumkhatna leh inzawmna ṭha siam an tum a, mipuite harsatna tawh ṭhinte chinfel theih dan turte ngaihtuahsak an tum bawk tiin, an unau hian a rualin an kal dawn a, a ni hran ve veah an tlawh dawn niin a tarlang.