Meghalaya : Tura MDC-in scholarship pe chhuak turin ngen

Meghalaya-a Tura MDC, BJP hruaitu Bernard N Marak chuan Thawhlehni khan zirlaite hnena scholarship pek chhuah tlai chungchangah education minister Rakkam A Sangma hnenah lehkha a thawn.

BJP hruaitu hian minister chu scholarship pek tlai a nih avangin zirlaite'n exam fee leh tuition fee pekah harsatna an tawh thu hrilhin, scholarship chu pe chhuak vat turin a ngen. Zirlai scholarship dawng lote hian Marak hi ṭanpui dila an pan hnuah Education Minister hnenah hian lehkha a thawn chhunzawm a ni.

Marak hian Minister hnena a lehkha thawnah hian zirlai sum leh pai dinhmuna harsa zawkte'n scholarship-a an innghah nasat dan leh, scho pek chhuah tlai avanga an zirnain a tawrh theih dan te a sawi. Umbrella scholarship chungchang chu sawi deuh bikin Education Minister chu North Eastern Hill University (NEHU) thuneitute nen inbia a, zirlaite harsatna sukiang thuai turin a ngen a, a ṭul chuan exam form theh luh hun chhung pawh pawhsei ni se a duh thu a sawi. Umbrella scholarship hi National Scholarship Portal (NSP) hnuaia zirlaite tana tuition fee leh lehkhabu bakah zirna atana an sum mamawh hrang hrangte tumsakna a ni.