Bhaichung Bhutia-a'n Sikkim Democratic Front a zawm

Hamro Sikkim Party (HSP) president, Bhaichung Bhutia chuan Sikkim chief minister hlui, Pawan Kumar Chamling kaihhruai, Sikkim Democratic Front (SDF) party chu official-in a zawm ta.

Indian footbal icon, Bhutia hian a hmain a kaihhruai HSP chu SDF-ah a inchhunglut dawn tih a lo awi tawh a ni. Ninangi khan Namchi-ah official-in SDF hi a zawm ta a ni.

SDF nena an inzawm chungchangah hian Bhaichung chuan,"Vawiinah hian Hamro Sikkim Party chu SDF nen kan inzawm ta a, Sikkim chhan tur hian mi zawng zawng kan inzawm a ngai a ni. Sikkim chhan duh zawng zawng chuan SDF hi rawn zawm rawh u," tiin a sawi. Bhaichung hian kum 2024 assembly inthlan atan pawh SDF hruaitu, Chamling chu a thlawp tur thu sawiin, Sikkim tana hna tak tak thawk thei chu SDF chauh an awm thu leh, Chamling-a hruaina hnuaiah Sikkim chuan kawng dik a zawh leh a ngaih thu a sawi a ni. Chamling chu ram pum huap pawha hruaitu hriat hlawh leh ṭha, Sikkim tana a hnathawh ropui tak takte hmuh tur a awm a ni, a ti.

Bhaichung Bhutia chuan chief minister Prem Singh Goyal chu a bei nghal a, Sikkim chanchina CM nep leh chak lo ber nia sawiin, rorellai SKM party chu thuneihna an chan hnuah Sikkim mite nihna leh dikna chanvo te hralhah a puh.